Komiti ni Veivakatoroicaketaki ni Qele (LDVC)

Mai nai ka 25 ni June ni 2018, na komiti oqo (LDV) e sa na sega tale ni na qai ciqoma e dua nai vola kerekere ka lako vakadodonu mai vei ira na Sovea, Taukei ni Lisi se vei ira na dau ni vakasala. Nai vola kerekere kece e dodonu me soli taumada ena vale ni volavola ko voleka kina ena veiwasewase (Regions) ka ratou na qai vakauta mai nai vola kerekere oqori kina vale ni volavola liu e Suva. O ira na vakailesilesi ena vei wasewase, mera dikeva taumada nai vola kerekere ka vakadeitaka ni sa tiko kece na veika e gadrevi ka sa saumi talega nai lavo e lavaki ni bera ni ra ciqoma nai vola kerekere.

Ni sa vakadeitaka oti na “Geospatial Information Officer” nai tuvatuva, ka solia na nona veivakadonui na Manidia ni Wasewase, sa na qai vakacurumi na kisi oqo kina Landsoft me rawa ni dua kina na kena “Application Case File ka vakau sara oqo ki na komiti (LDVC). O ira na vakailesilesi mai na vei wasewase e dodonu mera vakadeitaka ni sa tiko kece na veika e gadrevi.

Ni vakayagataki na Landsoft, e laveta cake nai vakarau ni veiqaravi ena tabana oqo.

Ni sa vakau ga kina Komiti nai vola kerekere, sa na qai biu tiko ena Landsoft nai tukutuku ni vanua sa yacova tiko nai vola kerekere. Oqo e vakarawarataka talega mera soli tukutuku matata ki vei ira na Sovea se vei ira era kere lisi tiko, o ira na vakailesilesi ena veiwasewase.

Ni sa dikeva oti na Komiti nai vola kerekere, ka sa vakadonuya, sa na qai biuta kina Landsoft e dua nai vola ni veivakadonui ka vakasuka lesu kinai Wasewase na “Case file”.

E dodonu meda kila ni sa sega tale ni na qai ciqomi e dua nai vola kerekere e lako mai vua e dua na Sovea se dua e kere lisi. Nai vola kerekere kece me lako curuma na veiwasewase (Region) vata kei na kena “Application Case File”.