Na Matabose (TLTB) e solia na galala vei ira mai vanua tani me ra mai vakatubu i lavo ena qele vakaitaukei. E sega walega ni ra vakaduri bisinisi, e rawa ni ra qarava talega na veika me vaka na buli i yaya, na saravanua, na qaqi ni kakana, na caka i yaloyalo, na vuli, na veivakamarautaki se veivakalasai, na maroroi ni yau bula kei na vakau i tukutuku.
O Viti esa i vola tukutukutaki tu ni dua na vanua vinaka ni vakatubu i lavo mai vei ira ena veiyasai vuravura ka vuqa vei ira era sa vakarabailevutaka na nodra bisinisi ena noda vanua. Na matanitu talega e dau raica sara vakavoleka na tabana oqo, me vaka ni o koya e dua na uto ni tubu ni bula vakailavo ni dua na matanitu.
Na totoka kei na bula sautu ni noda vanua e i kuri ni kena taleitaki na mai vakatubu i lavo ena noda vanua.
Na cava na iTaukei se Native Land?
Oqo na qele kece vakaitaukei ka rauta ni walusagavulu kavitu na pasede (87%) ni qele kece e Viti ka rawa ni lisitaki me rauta ni 99 na yabaki.
E Vakacava na Kena Taqomaki?
Na veika kece me baleta na lisi, e qarava na Matabose (TLTB) ka sa tiko ena mona livaliva kei na neitou vei valenivolavola kece nai vola kerekere ni lisi.
Au na Rawata Vakacava?
Na vakavoutaki ni lisi mai vei ira nai taukei ni lisi e rawarawa sara na kena qaravi.
Me vaka ga ni qele vakaitaukei e rawa ga ni lisitaki ka sega ni rawa ni voli vakadua, e gaunisala vinaka ni vakatubu i lavo kevaka o cakacakataka nai sau ni kena rawati na qele.