Na imatai ni nodra bose na Manidia

Na imatai ni nodra bose na Manidia (Senior Management Meeting) ena yabaki oqo e a vakayacori ena vanua o Nabukebuke ena koro vakaturaga o Veivatuloa ena i ka 9 ni Veverueri 2024.

E kaya na kena iLiuliu Vakavanua ka taura tiko na veiliutaki ena vanua o Nabukebuke ena gauna oqo o losefo Batinisavu ni sa “Vakavinavinakataki na kena digitaki na vanua o Nabukebuke me mai qaravi kina na bose vakavula ni veiliutaki ka keimami marau na lewe ni koro ka vakanuinui to ni na dua na bose vinaka ena mai vakayacori ena neitou dela ni soso”.
Sa dua na ka na nodra marau na lewenivanua vakauasivi ena itakitaki ni veisau ni Matabose ka dola kina na veitalanoa kei ira na lewenivanua ni oti bose.

E a mai talaucaki kina na kena sa sagai me ra sikovi tale mada na noda vei Turaga kei ira na noda Marama me vakavinakataki ka semati tale na veiwekani ni vanua o Nabukebuke kei na Matabose.