MEDIA RELEASE-NASARAVA WATER CATHMENT ISSUES SUCCESSFULLY RESOLVED BY TLTB
February 4, 2026
FOR MOAPE BATIGAI, SUCCESS DOES NOT COME OVERNIGHT
February 12, 2026
E ratou mai ciqoma tale ena noa (Lotulevu) e lewe 11 na iTaukei na veivuke ni Taukei Development Fund Facility (TDFF) mai vua na Minisita ni Veika Vaka-iTaukei ka Jeameni sara tale ga ni Matabose ni Qele Maroroi o Hon. Ifereimi Vasu.
Me yacova mai ni kua e rauta ni 130 vakacaca na itaukei era sa vukei ena ituvatuva vou oqo ni veivuke ni Matabose ni Qele Maroroi.
E kaya o Hon. Vasu ni a gole taumada na kerekere ki na Bose Levu Vakaturaga (BLV) ena 2023 ka vaka kina ki na veiyasana kei na veitikina eso me baleta kena sagai me vakarawarawataki na noda raica e dua na ilavo me tekivu kina na noda dui bisinisi.
Ena vakasama vata oqori e mai tauyavu kina na sasaga ka maroroi mai kina e rauta ni 10% ni ilavo a dau kumuna na Matabose ena veiyabaki (ka vakatokai na Taukei Wealth Fund (TWF) me baleta na noda vakatoroicaketaki na iTaukei vakauasivi ena veika oqo:
+ 30% – Vakatikitikitaki me baleta na noda tauyavu kei na cicivaki ni noda bisini nai taukei (Taukei Development Fund Facility se TDFF).
+ 25% – Vakatikitikitaki me baleta na kena voli lesu tale eso na lisi lelevu ena loma ni veitaoni ka sa mai cava tiko na kena lisi (compensation).
+ 20% – Vakatikitikitaki me baleta na noda veisemati ka toso vata kei ira eso era gole mai me ra mai bisinisi vata kei keda (Joint Venture/Partnership).
+ 20% – Vakatikitikitaki me baleta na veivakatoroicaketaki se vidavidai ni qele (land development).
+ 5% – Vakatikitikitaki me baleta na nodra vuli na luveda (Education).
Ena gauna oqo eso era sa sauma oti na nodra dinau; ia era sa gole tale mai oqo me ra kerea e dua tale na uma ilavo me tosoya tale na nodra bisinisi ena dua tale na ivakatagedegede e cake – ka salavata tiko ga mai kei na nodra ituvatuva taumada.
Ia sa noda itavi vata me da gole yani me da laki vakaraitaka vei ira na noda ni tiko na veivuke ka tiko tale ga na kena iwalewale matailalai eso me da qarava ka varautaka mai me rawa ni da mai vukei tale ga.
